Мектебің – мынау, класың,

Осында он жыл тұрасың.

Тарыдай болып кіресің,

Таудай болып шығасың, - деп Мұқағали ағамыз жырлағандай, Қарқаралы ауданы, Ынталы аулының №3 орта мектебін бітіргенімізге биыл бес жылдың жүзі болыпты. Мектебіміздің табалдырығын алғаш аттағанда алдымыздан құшақ жайып қарсы алып, бастауыш сыныпта жетекшіміз болған Рима Әкішева қолымызға алғаш қалам ұстатқан еді. Ұстазымыз әлі күнге дейін білім саласында қызмет жасап, шәкірттеріне білім беруден жалықпаған ұстаз. Ал жоғары сыныпта жетекшіміз болған Жанара Әлиева екінші анамыздай десем де болады. Сыныпты сол жылы он төрт түлек бітірдік, Аллаға шүкір, он төртіміз де бір-бір мамандық иесі болып отырмыз. Біріміз экономист-бухгалтер болсақ, бірі журналист, биолог, дәрігер дегендей әр саладамыз! Бұл, біріншіден, ата-анамыздың еңбегі болса, екінші ұстаздарымыздың еңбегі. «Ұстаздық қылған жалықпас, үйретуден балаға» деп Абай атамыз айтқандай, ұстаздарымызға үлкен алғысымызды айтудан жалықпаймыз.

Түркия елінің делегациясы мұны тағы бір паш еткендей

Ішкі істер министрлігінің Б.Бей­сенов атындағы Қарағанды академиясына Түрік ұлттық полиция академиясынан делегация келді. Мақсат – халықаралық байланыстарды дамыту, тәжірибе алмасу, ынтымақ пен бірліктің жолын салу, кәсібилік пен құқықтық мәдениетті жандандыру. Осы орайда, екі ел арасындағы ынтымақтастықты да­мы­тып, одан әрі жалғастыруды көз­дейтін меморандумға қол қойылды.

Жастар саясаты жанданып ке­леді. Оның етек жайып, дамуы үшін бірқатар жұмыстар жасалып, шаралар атқарылып жатыр. Студенттердің «Қазіргі заман жастар көзімен» ата­латын ғылыми-практикалық кон­ференциясын сол шаралардың қа­та­рына жатқызуға әбден болады. Ша­раның өтуіне мұрындық болған Қарағанды «Болашақ» маңызды бі­лім беру колледжі. Конференция «Дос­тар Әлем» қонақ үй кешенінде ұйым­дастырылды.

Таяуда Алматыда, Абай атын­дағы Ұлттық педагогика универ­ситетінің дискуссиялық клубында «Жоғары оқу орындарында ұлт­тық тәрбие беру мәселелері» тақырыбында кезекті мәжіліс өтті. Әдеттегі жиындардан бұның бір ерекшелігі – мәжіліске еліміздің түп­кір-түпкірінен ұлт болашағы үшін жұмыс істеп жүрген ғалымдар мен зерттеушілер шақырылған екен.

Көне Элла заманынан бастау алған Дельфий ойындарын өз жерімізде өткізу игі дәстүрге айналғалы нешінші жыл. Тәуелсіз Қазақ елінің дарынды балаларын шыңдап, олардың әлем сахнасында өнер көрсетулеріне бірден-бір себепкер осы – Дельфий ойындары. Жас таланттардың асыға күтетін, өздерінің шығармашылық мүмкіндіктерін көрсете алатын өнер сайысы Қарағанды қаласы басшылығының қолдауымен өтті.

«Алаш» деп атқа қонған аптал азаматтарымыздың еңбегін бүгінгі ұрпаққа паш ету – бойында қазақтың қаны бар әрбір азаматқа парыз. Ол, біріншіден, ұлттық идеология үшін, ұрпақтың тәрбиесі үшін керек. Осы мақсатта Жамбыл Жабаев атындағы облыстық №7 дарынды балаларға арналған мамандандырылған мектеп-интернатында жылда конференция өткізіліп тұрады. Биыл да жылдағы дәстүрден жаңылмай, Қарағанды облыстық білім басқармасы, «Сарыарқа-дарыны» ғылыми-практикалық орталығы, ҚарМУ-дың қазақ тілі және әдебиеті факультетінің бірлескен V облыстық «Алаш әдебиеті: тарих пен тағылым» деп аталатын ғылыми-практикалық конференция өткізді.

Бүгінгі таңдағы мемлекеттің өзекті мәселелерінің бірі Қазақстан Республикасының азаматтарының пат­риоттық рухын көтеру болып табылады. Елбасы Н.На­зарбаев жылдағы Жолдауында патриоттық тәрбиеге көп көңіл бөледі.

Қазіргі кезең Қазақстан Респуб­ликасынның білім беру жүйесінің базистік теориялық негіздерін, фи­ло­софиялық және педагогикалық әдіснамасын кең көлемде реформалаумен сипатталады. Жаңа кезең білім беру мазмұнын түпкілікті өзгертуді, жаңа білім беру технологияларын қалыптастыруды қажет етеді. Бұл факторлар педагогикалық мамандардың біліктілігін арттыру жүйесінде оқытушының орны мен рөлін жаңаша пайымдауды талап етіп отыр. Бүгінгідей қарқыны күшті аламан дәуірдегі оқытушының кәсіби тұрғыдан дамуы – білім беру сапасын арттырудың бірден бір кепілі екендігін халықаралық, әрі ұлттық тәжірибелер айғақтай түседі.

Зәуреш апай немерелерін алдандырып отырып ойға шомды. Жалпы, зей­неткерлікке шыққалы оңашадағы серігі – ой. Ой болғанда, сары уайым емес. Өткен өмірі көз алдынан көлбеңдеп, тағылымды тағдырын таразыға тартқысы келеді де тұрады. Таразы басын қанағат басады, әйтеуір. Рас, дариға дәурен дүбірі шынайы бақытқа кімді оңай кенелте салды дейсің?! Бәрі еңбекпен, талаппен, күреспен келеді емес пе?! Бұл да ұмтылды, күресті, ең­бектенді. Ғұмырының қырық жылын ар­наған ұстаздық еңбегі абырой биігіне бас­тады. Шәкірттерінің құрметіне, Алланың берген ұл-қыздарының бақытына кенелді. Пенде ғой, арманы түгесілмеген шығар, бірақ, өткенге өкпесі де, өкініші де жоқ. Ой таразының басын өмірлік қазығы болған қанағаты еркін еңсеріп барады... Екінің-бірін үлде мен бүлдеге орай салмайтын тағдыр сыйының талғамы зор екен, шіркін! Сый да сындарлы сынақпен келеді ғой.

Жақында қалалық білім бө­лі­­мінің ұйымдастыруымен қала оқу­­шылары арасында «Мен – азаматпын» байқауы өтті. Қазыбек би ауданы мен Майқұдықтың балалары екі күн бойы білімділіктерін ортаға салып, зерттеу жұмыстарын сарапшылар назарына ұсынды. Оқушылардың зерттеу жұмысын жүргізу қабілеттерін айқындау, мә­дени және қоғамдық жұмыс салаларына тарту, аймақтың әлеуметтік маңызы бар мәселелерін зерттеуде жасөспірімдердің пікірін тың­дау, бастамаларын қолдау қа­шанда маңызды екеніне ешкім дау айтпас. Осыны ескерген ұйым­дастырушылар аталмыш байқауды дәстүрге айналдырып, осымен үшін­ші рет өткізіп тұр. Әрі қатысуға ниет білдіргендер қатары да жыл сайын артып келеді екен.