Олжас Сүлейменов - Поэзия - Басты бет - Орталық Қазақстан

Тіркелу

Ауа-райы

Валют бағамы

Еңгізілген: 03.12.2016

Серік АҚСҰҢҚАРҰЛЫ
Олжас Сүлейменов
Өзегің – әлімсақтан өлең селі,
Бөледі қалай біреу менен сені?
Ар жағың – Арғы Ғұн да,
Бергі жағың –
Атақты Жаяу Мұса деген Сері!
Бақ құсы қонса – сендей
                                   құсқа қонар,
Қанатың талса, –
Қонар тұста талар.
Атаңның атын сенің
                             тартып алған,
Алдыңда абдырады
                                 Мұстафалар!

Аруақ қонған кезде ақындарға
Бір тұяқ қалды Олжабай
                                батырдан да,
Кіндігі Олжабайдан тарамаса,
Ол шіркін, осыншама
                                 лақылдар ма,
Өлеңдей өртке тиген
                              лапылдар ма?!.

Сыртынан айтқан сөзі –
                                  сандырақтай,
Көзінше тіл қатуға ел қалды
                                         батпай;
Сексенге сергек желіп келдің,
                                                 міне,
Тұяғы жер тарпыған
                                   арғымақтай!

“Құдайдың құлы болу –
        құтым”– деген,–
Жыртығын қазағының
                                    бүтіндеген;
«АЗ и Яң» –
Алашыңның Жүрегі ғой ,–
Тәкаппар
Кеудесінде
Лүпілдеген!

Дүние үйлесімсіз қараң қалад,
Сұмдыққа  бүйте берсе
        арандамақ;
... Алашқа қарап тұрсың
                                 Сен аспаннан,
Етекте біз де тұрмыз
                                   Саған қарап...

 

 Пікірлер: 0
 Оқылған: 172
Барлық пікірлер: 0
Пікірді тек тіркелеген қоладанушылар қоса алады.
[ Тіркелу | Кіру ]

Күнтізбе

Сауалнама

Сіз газеттерді оқисыз ба?
Всего ответов: 1087
count 88x31px