Алаң иелері – ақтық сында - Спорт - Басты бет - Орталық Қазақстан

Тіркелу

Ауа-райы

Валют бағамы

Еңгізілген: 09.12.2016

Француздар футболдан кәрі құрлық чемпионы атағына бір қадам жақындай түсті. Жартылай финалда Германия құрамасын 2:0 есебімен жерге қаратты. Енді, немістер ақтық кездесуді көрермендер сапынан тамашалайтын болды.

 

Ойын Марсельде өтті. Бұл матч турнир барысындағы ең үздік матчтар қатарынан орын алды. Өйткені, екі қарсылас та оңай емес еді. Франция құрамасы – екі мәрте Еуропа, бір мәрте әлем чемпионы атағын иеленген даңқты ұжым болса, немістер бұған дейін төрт мәрте әлемді, үш мәрте Еуропаны бағындырған. Және чемпионат Франция жерінде өтіп жатқандықтан, турнир қожайындары өліспей беріспейтін кейіп танытқан. Француздар кубоктан дәмелі.

Кездесу алғашқы минуттардан-ақ жоғарғы қарқынмен басталды. Француздар немістерді айып алаңына қарай тықсырумен болды. Бұл әрекеттері алғашқы таймның қосымша уақытында жемісін берді. 45+2-ші минутта неміс Швайнштайгер өз қақпасының алдында қолмен ойнап, төреші 11 метрлік айып добын белгіледі. Өз кезегінде француз Гризманн қақпаны дәл көздеді. 1:0. Осы Гризманн 72-ші минутта және бір голды қақпаға табанымен итере салып, есепті еселеді. 2:0. Бұл жерде қорғаушыларды қапы қалдырып, ұрымтал тұсқа әдемі пас шығарып берген Погбаның шеберлігін атап өту керек.

Финалда алаң қожайындары Португалияны қабылдайды. Олар да жартылай финалда 2:0 есебімен Уэльс құрамасынан айласын асырып еді. Қарсыластар ертең – 10 шілде күні Сен-Дени қаласындағы «Стад де Франс» стадионында кездеседі.

 Пікірлер: 0
 Оқылған: 832
Барлық пікірлер: 0
Пікірді тек тіркелеген қоладанушылар қоса алады.
[ Тіркелу | Кіру ]

Күнтізбе

Сауалнама

Сіз газеттерді оқисыз ба?
Всего ответов: 1094
count 88x31px