Жуырда Қарағанды қа­ла­сының Октябрь ауданына Қанат Сәлім­баев прокурор болып келді. Ол 1980 жылы Шет ауданының Ақсу-Аюлы кентінде туған. Отбасылы. Екі баланың әкесі. Жоғары білімді, 2001 жылы Е.Бөкетов атындағы ҚарМУ-ды заңгер маман­дығы бойынша, 2010 жылы «Бо­лашақ» университетін эко­номист мамандығы бойынша бітірген.

Жуырда Қарағанды қаласының әкімшілік сотында БАҚ өкілдері қатысқан баспасөз конференциясы болып өтті. Оған әкімшілік соттың төрағасы М.Жарқынбеков, облыстық ІІД әкімшілік жұмыстар басқармасының бөлім бастықтары С.Төребеков, Ж.Кикимов, қалалық ІІБ бөлім бастығы М.Әукешов қатысты. Әуелгі сөзді әкімшілік соттың төрағасы Мәлік Құзарұлы бастады. Ол өз сөзінде бірінші тоқсанда қаралған істер туралы айтып өтті. Сотқа осы уақыт ішінде 2755 әкімшілік және 103 азаматтық іс түскен. Мұның ішінде басым көпшілігі, яғни 1631 (59,2%) іс көлік және жол шаруашылығына қатысты. Жалпы бірінші тоқсан ішінде 2461 әкімшілік және 95 азаматтық іс қаралған. ҚР Азаматтық құқық бұзу туралы кодекстің 27 тарауы бойынша 1415 іс қаралып, осыншама адам әкімшілік жауапкершілікке тартылған. Соның ішінде ҚР ӘҚБтК-тің 467 бабы бойынша көлікті мас күйінде (есірткі қолданған, уытта жағдайдағы) жүргізген 193 адамды көлік жүргізу құқығынан айырса, 34 жағдайда 10-15 тәулікке әкімшілік қамауға алынған. Сол сияқты өткен жылдың осы мерзімімен салыстырғанда 13 әкімшілік іс артық түскен.

Жақында облыстық соттың төрағасы Ермек Серікбаев Шахтинск қаласында «Ашық есік» күнін өткізіп, қала тұрғындарын жеке сұрақтарымен қабылдады.

Жуықта Қарағанды облысының мамандандырылған ауданаралық экономикалық сотында «Медиация – дауды шешіп реттеудің жолы» тақырыбында дөңгелек үстел болып өтті. Осы шараның модераторы міндетін экономикалық соттың судьясы А.Смайлова атқарды. Қосалқы ұйымдастырушы судья Ж.Баймолдин болды.

Қазіргі уақытта Қазақстан Республикасы Президентінің «Қа­зақстан Республикасының құқық қорғау органдары қыз­мет­кер­лерін кезектен тыс аттестаттаудан өткізу туралы» Жарлығын жүзеге асыру мақсатында, Қазақстан Республикасы Қаржы министрлігі Кедендік бақылау комитетінің Қарағанды облысы бойынша Кедендік бақылау департаменті қызметкерлерді кезектен тыс аттестациядан өткізуге дайындық шараларын жүргізуде. Осыған орай, Қарағанды облысы бойынша Кедендік бақылау департаментінің бастығы Ерғали Шығанбаев біздің тілшіміздің сұрақтарына жауап берген еді.

Қарағанды облысы әкімдігі, Қарағанды облысы ішкі сая­сат басқармасы «Облыстық «Орталық Қазақстан» газеті» коммуналдық мемлекеттік кәсіпорнының әкімшілігі ҚР Азаматтық Кодексінің 48 бабына және Қарағанды облысы әкімдігінің 2012 жылғы 27 ақпандағы «Облыстық басылымдарды қайта құру туралы» №07/05 Қаулысына сәйкес, аталмыш кәсіпорынның «Жауапкершілігі шектеулі серіктестік»  (ЖШС) болып қайта құрылатынын хабарлайды.

Қазақстан Республикасы Пре­­зиденті Елбасының Жар­лы­ғы бойынша құқық қорғау органдарының қыз­меткерлері сапа мен санат сынағынан өтіп, кәсіптік біліктіліктері мен рухани тазалығының әділ бағасын алмақшы. Сынақтың да сынағы бар. Әйтеуір өтсек деу, қате. Замана сынақтарына төтеп берер сапа мен санатқа ие сарбаздар мен сардарларды айқындау мұрат.

Жуырда Тәртіптік кеңестің төрағасы Қайыржан То­қышевтің төрағалығымен кезекті мәжіліс болып өтті. Онда облыстық мәдениет, білім, еңбекпен қамту және әлеуметтік бағдарламалар басқармаларының бастықтары А.Әбдірахманов, Е.Иманғалиев, Ж.Әбішев сыбайлас жем­­қорлыққа қарсы күрес, мемлекеттік қызмет туралы заң­намалардың және мемлекеттік қызметшілердің Ар-намыс кодексінің сақталуы туралы есептері тыңдалды.

Облыс аймағындағы кезінде аудан орталықтары болған кенттерге ерекше көңіл бөлінуде. Арнайы кешенді жоспар жасалды. Онда кенттердің әлеуметтік жағдайын жақсарту қарастырылған. Шет ауданының Ағадыр кентінде де кешенді жоспар аясында ілкімді істер жүзеге асуда. Кенттің тыныс-тіршілігі облыс, аудан басшылығының жіті назарында.